Etnos ókilderiniń qazaq eline aıtar alǵysy aıryqsha - Roza Pak

ShYMKENT. QazAqparat - Shymkent qalalyq koreı etnomádenı birlestiginiń tóraıymy Roza Pak Qazaqstan táýelsizdik jyldary tatýlyq pen kelisim formýlasyn uqypty iske asyryp, bıik beleske jetkenin aıtady. Ol osy baǵytta jyldar boıy qajyrly jumys atqarylǵanyn jetkizdi, dep habarlaıdy QazAqparat tilshisi.

Roza Paktyń sózinshe, Qazaqstan halqy Assambleıasynyń sessııalary jyl saıyn ózindik erekshelikterimen ótedi.

«Beıbitshilik pen kelisim formýlasy: áleýmettik birlik jáne jańǵyrtý» ataýymen ótetin bıylǵy sessııada taqyryby aıtyp turǵandaı, áleýmettik-rýhanı máselelerge erekshe nazar aýdarylady degen oıdamyn. El turǵyndary tynyshtyq pen qoǵamdyq kelisimniń mánin uqty. Ózara syılastyq pen birliksiz qoǵamda bereke bolmaıtynyn árbir qazaqstandyqqa túsindirý jolynda aýqymdy jobalar iske asty»,- deıdi Koreı etnomádenı birlestiginiń tóraıymy.

Roza Paktyń aıtýynsha, elimizde Qazaqstan halqy Assambleıasynyń orny men abyroıy aıryqsha. Tuńǵysh Prezıdentimizdiń bastamasymen qurylǵan bul ınstıtýt qazaq jerinde tatýlyq pen kelisim ıdeıasynyń qalyptasyp, iske asýyna súbeli úles qosqan.

«Júzden astam etnos ókilderin berekeli shańyraq mańaıyna toptastyryp, eldiń qaryshtap ósip-órkendeýine septigin tıgizdi. Etnostardyń mádenıeti men salt-dástúrin ustanýyna, dáripteýine jaǵdaı jasady. Osyndaı baısaldy bastamalar úshin qazaqstandyq etnos ókilderiniń barsha qazaq eline aıtar alǵysy aıryqsha. Ár jylǵy QHA sessııalarynda sóz sóılegen azamattardyń oı-pikirlerinen osyny uǵýǵa bolady. Birlik bar jerde nátıjeli tirlik bolatynyn búginde barsha el uǵyndy. Biz osy baǵyttaǵy jumysty jalǵastyryp, berekeli birlik pen tuǵyrly tatýlyq jolyn nasıhattap, Assambleıa Tóraǵasy júktegen abroıly mindetterdi iske asyratyn bolamyz»,- deıdi Roza Pak.