Etnopedagogıka ǵylymynyń negizin qalaýshy belgili ǵalym G.Volkov Astanadaǵy Qazaq agrotehnıkalyq ýnıversıtetinde boldy
ASTANA. Qazannyń 25-i. QazAqparat /Gúlmıra Álıakparova/ - Etnopedagogıka ǵylymynyń negizin qalaýshy, Reseı Bilim akademııasynyń akademıgi, KSRO Pedagogıka ǵylymdary akademııasynyń turaqty múshesi Gennadıı Volkov Astanadaǵy S.Seıfýllın atyndaǵy Qazaq agrotehnıkalyq ýnıversıtetinde dáris oqydy.
G.Volkovtyń pikirinshe, etnopedagogıka - urpaqty tárbıeleý máselesine qatysty halyqtyń pedagogıkalyq kózqarastary men tájirıbesin zertteıtin ǵylym bolyp tabylady, sondyqtan otbasy, áýlet, rý, ult uǵymdary pedagogıka tarıhy men teorııasynyń ajyramas bóligi dep tujyrymdalady. Sol sebepti ǵalymnyń óz dárisinde aıtqan árbir sózi adamdy joǵary deńgeıdegi úılesimdi ári jan-jaqty damyǵan tulǵa retinde qalyptasýyna umtyldyrady.
Aıta keteıik, óz halqynyń rýhanı qundylyqtaryn, tárbıelik murasyn meńgerýge baǵyttalǵan «Etnopedagogıka» páni joǵary oqý oryndaryndaǵy barlyq mamandyqtarda oqytylady. Sondyqtan uly etnopedagog, eńbek sińirgen ustaz jáne ǵylym qaıratkerimen bolǵan bul kezdesý jas urpaq jadynda máńgi saqtalyp, pánniń qajettigin sezinýge septigin tıgizgeni anyq.
G.Volkov sonymen birge, K.D.Ýshınskıı medali men syılyǵynyń ıegeri, Erfrýt ýnıversıtetiniń Qurmetti doktory, Reseı Federatsııasy men Qalmaqstan ǵylymynyń eńbek sińirgen qaıratkeri, Chývashııa jáne ıAkýtııanyń eńbek sińirgen muǵalimi, Tatarstannyń «Bilim berýdegi qyzmeti úshin» belgisimen marapattalǵan. Ol óziniń etnopedagogıkalyq mektepterin quryp, onda 300-den astam ǵylym doktorlary men kandıdattardy qorǵatyp shyǵardy. Búgingi kúni onyń mektepteri Máskeý, Mınsk, Kıev, Bishkek, Tashkent jáne taǵy da basqa qalalarda jumys isteıdi. Ǵalym olarda jıi dárister oqyp turady, shákirtterimen, ustazdarmen jáne jalpy kópshilikpen kezdesýler ótkizedi. G.Volkovtyń etnopedagogıka ǵylymyna qatysty 800-den astam eńbegi jaryq kórdi.
