Etnomedıatsııa is júzinde: Astanada daýdy sotsyz sheshý tásilderi kórsetildi
ASTANA. KAZINFORM – Elordadaǵy Dostyq úıinde etnosaralyq qaqtyǵystardyń aldyn alý, olardy tıimdi retteý jáne janjaldan keıingi súıemeldeýge baǵyttalǵan medıatsııa salasyndaǵy kásibı quzyretterdi damytý maqsatynda memlekettik organdar ókilderine arnalǵan arnaıy semınar-trenıng ótip jatyr, dep habarlaıdy elorda ákimdiginiń resmı saıty.
Semınar baǵdarlamasyna dárister, ınteraktıvti trenıngter, praktıkalyq keısterdi taldaý jáne kásibı tájirıbe almasý sharalary engizilgen. Uıymdastyrýshylardyń aıtýynsha, mundaı semınar-trenıngter dástúrli túrde jyl saıyn ótkizilip keledi.
15-16 sáýir kúnderi Medıatsııa ortalyǵynyń uıymdastyrýymen ótip jatqan semınar-trenıngke jergilikti atqarýshy jáne quqyq qorǵaý organdarynyń ókilderi, bilim berý jáne densaýlyq saqtaý basqarmalarynyń mamandary, qoǵamdyq pikir kóshbasshylary («Analar keńesi»), sondaı-aq elordanyń qoǵamdyq jáne kásibı medıatorlary qatysyp jatyr.
Іs-sharanyń moderatory Astana qalasy QHA Medıatsııa keńesiniń tóraǵasy, L.Gýmılev atyndaǵy Eýrazııa ulttyq ýnıversıtetiniń fılosofııa jáne mádenıettaný kafedrasynyń meńgerýshisi, PhD doktory, kásibı medıator Symbat Shakırov boldy. Ol semınar barysynda dıalog mádenıetin qalyptastyrýǵa baǵyttalǵan jumystar júrgizilgenin atap ótti.
Semınar-trenıng aıasynda jetekshi sarapshylar men tájirıbeli mamandar sóz sóıledi. Saıası ǵylymdar doktory Ulbosyn Janataeva tıimdi kommýnıkatsııa jáne kelissózder júrgizý quraldary taqyrybyn qozǵady. Kásibı medıator Marlen Omarov psıhologııalyq ádister men tsıfrlyq quraldardy qoldanýǵa negizdelgen medıatsııanyń tájirıbege baǵyttalǵan tásilderin usyndy.
Al PhD, trener-medıator Bahyt Túsipbekova medıatsııanyń vedomstvoaralyq ózara is-qımyl quraly retindegi múmkindikterin tanystyryp, mektep medıatsııasynyń mańyzdylyǵyna toqtaldy.
Sondaı-aq 16 sáýir kúni atalǵan is-shara barysynda Qoldanbaly etnosaıası zertteýler ınstıtýtynyń dırektory Lýıza Ýzarova etnomedıatsııanyń negizgi qaǵıdattary týraly baıandama jasaıdy dep josparlanǵan.
Semınar-trenıng spıkeri, QHA respýblıkalyq medıatsııa keńesiniń tóraǵasy, halyqaralyq deńgeıdegi kásibı jattyqtyrýshy-medıator Sherzod Pýlatov mundaı is-sharalar ártúrli etnostar arasynda túsinispeýshilikter nemese daýlar týyndaǵan jaǵdaıda naqty algorıtmder negizinde áreket etý arqyly olardy oń sheshýge yqpal etetinin aıtty.
– Jumystar úsh negizgi baǵytta júzege asyrylady. Birinshisi – aldyn alý jumystary. Kóp jaǵdaıda etnosaralyq shıelenisterdiń túbinde turmystyq, otbasylyq nemese eńbek qatynastaryna baılanysty máseleler jatady. Sondyqtan biz olardyń aldyn alýǵa baǵyttalǵan jumystar júrgizemiz. Ekinshisi – shıelenis kezinde medıatsııa qoldaný. Osyndaı jaǵdaılarda biz kásibı medıatorlardy tartyp, daýlardy beıbit jolmen sheshýge atsalysamyz. Úshinshisi – shıelenisten keıingi retteý jumysy. ıAǵnı, biz máseleniń túpki sebepterin anyqtap, olardy joıý úshin qaıta qalpyna keltirý medıatsııasyn qoldanamyz. Bul – adamdar arasyndaǵy syılastyq pen senimdi qalpyna keltirýge baǵyttalǵan jumys, - dedi Sherzod Pýlatov.
Semınar qorytyndysy boıynsha oqytý kýrsynan ótken qatysýshylar aldaǵy ýaqytta etnomedıatsııa baǵyty boıynsha jumysqa tartylatyn bolady.
Aıta keteıik, elordanyń Dostyq úıinde Medıatsııa ortalyǵy jumys isteıdi. Ortalyqtyń jetekshisi – Roza Bekısheva. Ortalyq quramynda ártúrli etnomádenı birlestikterden 27 kásibı jáne qoǵamdyq medıator qyzmet atqarady. Olar turmystyq, eńbek, medıtsınalyq jáne psıhologııalyq sıpattaǵy daýlardy sheshýge kómektesedi.
Budan buryn Astanada jastarǵa arnalǵan bos jumys oryndary jármeńkesi ótetinin habarlaǵanbyz.
