Etnomádenı birlestikter prezıdent saılaýynda N. Nazarbaevtyń kandıdatýrasyn qoldaıdy
ANA. 4 naýryz. QazAqparat /Jasulan Amanbaıuly/ - Búgin eldiń etnomádenı birlestikteri QR Prezıdenttigine úmitker Nursultan Nazarbaevtyń kandıdatýrasyn qoldaýǵa arnalǵan «Biz - Qazaqstan halqymyz» atty elektoraldyq sharanyń bastalǵandyǵyn jarııa etti.
«Óz mindetimizdi, saılaýdyń Qazaqstan halqynyń tarıhı taǵdyryna áseri men mańyzdylyǵyn túısine otyryp, biz - etnomádenı birlestikterdiń ókilderi, qaýymdastyq, ǵylymı-shyǵarmashylyq zııalylary, jastar - Táýelsiz Qazaqstannyń negizin salýshy jáne Tuńǵysh Prezıdentimiz, Elbasy Nursultan Ábishuly Nazarbaevty qoldaıtyndyǵymyzdy málimdeımiz»,-dedi «Qazaqstan ýkraındarynyń radasy» respýblıkalyq birlestiginiń tóraǵasy ıÝrıı Tımoşenko Astanada ótken baspasóz máslıhatynda.
Onyń aıtýynsha, aktsııa aıasynda etnomádenı birlestikter saılaýaldy úgit-nasıhat naýqany kezeńinde óz kandıdattaryn demeý maqsatynda eldiń barlyq oblystarynda túrli sharalar ótkizýdi josparlaýda. «Biz halyqtyq qoldaý aktsııalaryn, jınalystaryn, kezdesýlerdi, mıtıngilerdi, pikiralmasý jıyndaryn Qazaqstannyń barlyq aımaqtarynda uıymdastyramyz. Atalmysh aktsııa Qazaqstan zańdarynyń sheńberinde, zańǵa saı ótkiziledi. Biz búkil azamattardy onyń etnıkalyq tándiligine, dinı ustanymyna, áleýmettik deńgeıine, turǵylyqty jerine qaramastan atalǵan aktsııany qoldaýǵa shaqyramyz»,-dep atap kórsetti ol Qazaqstan halqyna úndeýinde.
Sonymen qatar ıÝ. Tımoşenko, «ózge kandıdattardyń azamattyq ustanymdary men saıası senimderine syılastyqpen qaraı otyryp», olardy «konstrýktıvti úgit-nasıhattyq kompanııa ótkizýge» shaqyrdy.
«Osylaısha biz halyqaralyq qaýymdastyqqa ózimizdiń saıası tolysqanymyzdyń joǵary deńgeıin, árbir qoǵam músheleriniń jaýapkershiligin kórsetýimiz qajet. BAQ ókilderin saılaýaldy naýqannyń barysyn ádil ári obektıvti túrde jarııalaýdy suraımyn»,-deıdi ol.
