Etnomádenı birlestikter memlekettik tildi oqytý men ony jurtshylyqqa tanymal etý isinde jańa bastamalar kóterip, belsendilik tanytýda - Sherýbaı Qurmanbaıuly
ALMATY. 25 qarasha. QazAqparat /Názıra Eleýhan/ - Qazirgi tańda etnomádenı birlestikter memlekettik tildi oqytý men ony jurtshylyqqa tanymal etý isinde jańa bastamalar kóterip, belsendilik tanytýda. Bul týraly búgin Almatyda «Til - halyq janyn tanýdyń kilti» atty orys jastary arasyndaǵy qazaq tili bilgirleriniń V respýblıkalyq baıqaýynda QR Mádenıet mınıstrligi Til komıtetiniń tóraǵasy Sherýbaı Qurmanbaıuly aıtty.
«Onyń bir dáleline Qazaqstannyń Orys qaýymy muryndyq bolýymen ótkizilip kele jatqan orys jastary arasyndaǵy qazaq tili bilgirleriniń respýblıkalyq baıqaýy bola alady»,-dedi ol.
Ol sonymen qatar: «Búgingi tańda bizdiń jas urpaǵymyz memlekettik tildi qalyń buqaraǵa tanymal etý jáne úgitteý jolynda belsendi atsalysýda. Buǵan «Til - halyq janyn tanýdyń kilti» atty orys tildi jastar arasyndaǵy qazaq tili bilgirleriniń respýblıkalyq baıqaýy da septigin tıgizýde. Ár jyldardaǵy baıqaý jeńimpazdary ózderin úlgi etip, jastarǵa arnalǵan túrli is-sharalar minberinen memlekettik tildi jetik bilýshi adamdardyń bedeli árqashanda bıik bolatynyn jurtshylyqqa pash etip júr»,-dedi.
Shara barysynda Sh. Qurmanbaıuly: «Jastarymyzdyń qazaq tilin jáne basqa da tilderdi meńgerýi - bul jastardyń, ózderiniń bıik jetistikterge qol jetkizýiniń mindetti sharty ekenin túsinetini qýantarlyq jaıt»,-dep atap ótti.
