Etnomádenı birlestikter Memleket basshysynyń bastamalaryna qoldaý bildirdi

NUR-SULTAN. QazAqparat – Etnomádenı birlestikter Prezıdent Qasym-Jomart Toqaevtyń bastamalaryna qoldaý bildirdi, dep habarlaıdy QazAqparat.

«Biz, respýblıkalyq etnomádenı birlestikterdiń basshylary, birlesken otyrystyń qorytyndysy boıynsha mynany málimdeımiz.

Búgingi tańda reseı-ýkraın qaqtyǵysyna baılanysty halyqaralyq ahýaldyń shıelenisýi jaǵdaıynda elimizdiń Prezıdenti Q.K.Toqaev halyqaralyq aýdıtorııanyń nazaryn jan-jaqty dıalogty damytý qajettiligine durys aýdaryp otyr.

«Amanat» partııasynyń sezinde sóılegen sózinde ol:
«Bizdiń ustanymymyz memleketimizdiń qaýipsizdigin, egemendigi men aýmaqtyq tutastyǵyn qamtamasyz etýdi kózdeıdi. Biz 2010 jyly Eýropadaǵy qaýipsizdik jáne yntymaqtastyq uıymynyń sammıtin ótkizgen el retinde eýrazııalyq qaýipsizdiktiń tutastyǵy qaǵıdatyna beıildimiz...

Sondyqtan biz eki memleketti kelissóz ústelinde ortaq til tabysýǵa, ýaǵdalastyq pen kelisimge kelýge shaqyramyz. Basqa jol joq. Jaqsy janjaldan jaman tatýlyq artyq. Beıbitshiliksiz damý bolmaıdy», - dep atap ótti.
Sonymen qatar, álemdegi geosaıası shıelenistiń kúsheıýiniń osynaý qıyn jaǵdaıynda qoǵamymyzdyń ishki toptasýyn saqtaý mindeti burynǵydan da ózekti ári mańyzdy bola túsýde. Biz barlyq jaýapty qoǵamdyq kúshterdi, azamattarymyzdy Memleket basshysy Q.K.Toqaevtyń jańa baǵyty tóńiregine toptasýǵa, jalpyulttyq yntymaq pen birlikti nyǵaıtýǵa, eldi damytýǵa baǵyttalǵan jasampaz saıasatyn qoldaýǵa shaqyramyz.
Biz beıbit aspan, ár shańyraqta bereke-birlikti saqtaý – keleshek urpaq aldyndaǵy qasıetti ortaq boryshymyz ekenine tereń senimdimiz.

Jańa Qazaqstandy birge quraıyq!», - delingen etnomádenı birlestikterdiń málimdemesinde.