Etnıkalyq jáne dinı shıelenisterdiń oqtyn-oqtyn tutanýy jańa normaǵa aınalyp barady- Prezıdent

NUR-SULTAN. QazAqparat – Rım Papasy Frantsısktiń Qazaqstan bıliginiń ókilderimen, azamattyq qoǵam jáne dıplomatııalyq korpýs ókilderimen kezdesýi eki aradaǵy túrli baǵyttaǵy yntymaqtastyqty jańa beleske kóteredi. QR Prezıdenti Qasym-Jomart Toqaev kezdesý barysynda osyndaı oı aıtty, dep habarlaıdy QazAqparat tilshisi.

«Bıyl Qazaqstan men Vatıkan arasynda dıplomatııalyq qatynas ornaǵanyna 30 jyl toldy. Sizdiń saparyńyz osy mereıli mejege tuspa-tus kelip otyr. Biz bul saparǵa aıryqsha mán beremiz. Sebebi búgingi kezdesý túrli baǵyttaǵy yntymaqtastyǵymyzdy jańa beleske kóteredi», - dedi Memleket basshysy.

Sondaı-aq, Prezıdent dál qazir álemdegi geosaıası jaǵdaıdyń ýshyǵyp turǵanyna toqtaldy.

«Biz álemdik órkenıettiń qazirgi ahýaly, jahandyq saıasattyń ózekti máseleleri jáne jalpy dinniń mán-mańyzy týraly sizdiń pastorlyq sózińizdi tyńdaýǵa yqylastymyz.

Qasıetti Rım Papasy, osy múmkindikti paıdalana otyryp sizdiń búkil álemdegi qyzmetińizge joǵary baǵa bergim keledi. Siz Qazaqstanǵa adamzat tarıhyndaǵy aıryqsha kezeńde kelip otyrsyz. Halyqtar otbasy jar shetinde tur deýge bolady. Óıtkeni geosaıası shıelenis artyp, jahandyq ekonomıka zardap shegip jatyr jáne etnıkalyq, dinı tózimder arasynda tolqyn-tolqynmen ýshyǵyp tur. Bul tipti jańa normaǵa anılayp barady. Sondyqtan túrli mádenıetter men dinderdiń salıqaly adamdary adamzatty ortaq danyshpandyqpen jáne energııamen áriptestik pen ózaraqolda ıdeıasyna biriktirýi kerek.