Etnıkalyq máseleler boıynsha halyqaralyq jýrnalıst- sarapshylar klýby qurylady

ASTANA. 15 qarasha. QazAqparat - Etnıkalyq máseleler boıynsha halyqaralyq jýrnalıst-sarapshylar klýby qurylady. Bul týraly búgin Astanada Qazaqstan halqy Assambleıasynyń «Tózimdilik jáne BAQ» atty halyqaralyq medıaforýmy barysynda málim boldy.

Eske sala keteıik birinshi halyqaralyq medıaforým negizinen BUU Bas Assambleıasynyń 16 qarashany Halyqaralyq toleranttylyq kúni retinde jarııalaý aıasynda ótýde.

Shara aıasynda «Qazmedıa ortalyǵy» ǵımaratynda Qazaqstan halqy Assambleıasy men etnomádenı birlestikterdiń 36 respýblıkalyq jáne óńirlik buqaralyq aqparat quraldarynyń kórmesi ótti. Atalǵan BAQ qazaq, orys, ózbek, uıǵyr, ýkraın, nemis, káris, túrik, ázirbaıjan, tatar, evreı, armıan, dunǵan sekildi 15 tilde jaryq kóredi.

Al medıaforýmnyń jalpy otyrysynda belgili sarapshylar, sheteldik ǵalymdar men qoǵam qaıratkerleri óz pikirlerin ortaǵa saldy. Alǵash ret ótkizilgen forým aıasynda birqatar usynystar da jasalǵan bolatyn. Sonyń biri Astanada etnıkalyq máseleler boıynsha halyqaralyq jýrnalıst-sarapshylar klýbyn qurý jaıynda bolyp otyr. Sarapshylardyń paıymynsha, bundaı usynys otandyq BAQ-tarda jarııalanyp kele jatqan toleranttylyqty nyǵaıtýǵa óz septigin tıgizbek.

Medıa forým 4 paneldi otyrys boıynsha jalǵasyp, onyń árqaısysynda etnojýrnalıstıkanyń ózekti máseleleri talqylanatyn bolady. Sonymen qatar, sheteldik BAQ pen Elshilikter press-attasheleri úshin Elbasy N.Nazarbaev qalyptastyrǵan etnıkaaralyq toleranttylyq pen qoǵamdyq kelisimniń qazaqstandyq úlgisiniń halyqaralyq tanystyrylymy da josparlanǵan.