Etnıkalyq qazaq Murat Ońal gollandııalyq fýtbol klýbynda oınaıtyn boldy
ASTANA. QazAqparat - Túrkııada turatyn etnıkalyq qazaq, osy ýaqytqa deıin birinshi lıgadaǵy shymkenttik «Qyranda» oınaǵan Murat Ońal gollandııalyq fýtbol klýbynyń múshesi boldy.
Shabýylshy Gollandııa chempıonatynyń úshinshi dıvızıonyndaǵy lıderlerdiń biri - "Lıssege" aýysty.
Atap óter bolsaq, 28 jastaǵy Murat Ońal «Qyranda» eki maýsym dop tepti. Osy ýaqyt ishinde 28 ret qaqpa toryn týlatty.
Sondaı-aq ol lıgadaǵy eń úzdik surmergen atandy.
