Etna janartaýynan lava atqylap, Sıtsılııadaǵy aýyldardy kúl men tas basyp qaldy
RIM. ANSA – QazAqparat – Etna janartaýy atqylap, odan shyqqan kúl Sıtsılııadaǵy irgeles aýyldardy basyp qaldy. 17 aqpanda bastalǵan lavanyń atqylap, kúl men gazdyń taraýy osymen onynshy ret qaıtalandy, dep habarlaıdy QazAqparat ANSA agenttigine silteme jasap.
Sıtsılııadaǵy jaqyn ornalasqan aýyldarǵa kúl men janartaýdyń ushqyny jetip, úıler men kóshelerdi basyp tastady.
Výlkanologtardyń aıtýynsha, kúl bultynyń bıiktigi 12 myń metrge jetken.
Italııanyń ońtústik-shyǵysynda jeldiń áserinen janartaý kúli Katanııa qalasyn basyp qaldy. Sıtsılııanyń shyǵysynda ornalasqan áýejaı óz jumysyn jalǵastyrýda.
Výlkanıkalyq taý jynystary men tastar Etna taýynyń ońtústigindegi birneshe qala men aýyldan, sonyń ishinde Nıkolosı, Trektegnı, Akı San-Antonıo jáne San-Gregorıodantabyldy.
Eske sala keteıik, Etna taýynyń atqylaýy 17 aqpanda Sıtsılııada boldy.
Etna – Italııada, Sıtsılııanyń shyǵys jaǵalaýynda, Messına men Katanııa qalalaryna jaqyn jerde ornalasqan qatparly výlkan.
Eýropadaǵy belsendiligi joǵary janartaý.
Ulttyq tabıǵı tarıh mýzeıiniń (AQSh) málimeti boıynsha 2018 jyly Etna teńiz deńgeıinen 3295 metr bıiktikte bolǵan.
