Etna janartaýy osy jyly altynshy ret atqylady
ASTANA. 17 sáýir. QazAqparat - Italııanyń Sıtsılııa aralynda Eýropadaǵy eń áıgili Etna janartaýy taǵy da atqylaı bastady, dep habarlaıdy 1tv.kz saıty.
Ǵalymdar birneshe magmanyń atqylaý esebin shyǵardy. Otty burqaqtar 100 metrden astam bıiktikke kóterildi.
Birinshi arnanyń (Reseı) habarlaýynsha, janartaý kúlderiniń qaldyqtary janartaý bolǵan jerden ońtústik-shyǵysqa qaraı ondaǵan shaqyrym jerlerge deıin jetti. Bul - Etnanyń osy jylǵy altynshy ret atqylaýy. Sońǵy ýaqyttarda janartaýdyń atqylaýy óte belsendi kúıde.
Mamandardyń sózine qaraǵanda, turǵyndar men ǵımarattarǵa tónip turǵan qaýip-qater joq. Janartaýdyń atqylaýy jergilikti áýejaıdyń jumysyna da kedergi keltirmedi.
Eske sala keteıik, Etna - Italııanyń eń iri pármendi janartaýy, ol óziniń jaqyn jatqan «qarsylasy» Vezývıı janartaýynan 2,5 ese asyp túsedi.
