Etke mamyr, maýsym aılarynda suranys joǵary bolady – túrkistandyq sharýa
TÚRKІSTAN OBLYSY. QazAqparat – Elimizde et eksporty jaqsy jolǵa qoıylǵan. Bul týraly Túrkistan oblysyndaǵy kásipker Erden Baqytbaı aıtty, dep habarlaıdy QazAqparat.
«Óz basym bul saladaǵy Úkimet tarapynan qolǵa alynyp jatqan jumystardy joǵary baǵalaımyn. Tek kózin tapsań kásip ashyp, elge qyzmet etýge mol múmkindik jasalǵan. Osydan alty jyl buryn «Sybaǵa» baǵdarlamasymen 12 mıllıon teńge nesıe alyp, jumys bastadym. Mamandyǵym mal dárigeri bolǵandyqtan kásibimdi de osy saladan ashtym. ıAǵnı, jeńildetilgen jolmen alǵan nesıeme alǵashqyda 37 bas mal aldym. Onyń ornyn, jaıylym jerin, jem-shóbin daıyndadym. Búginde iri-qara maldyń basyn eki júzge jetkizdim. Onyń jylda elý shaqtysyn semirtip soıamyn. Ár qaısysy orta esepppen 300 keli et berse, elý bastan 15 tonnadaı et eksporttaımyn», - deıdi «Ulan Otyrar» JShS dırektory E.Baqytbaı aıtty.
Ol etke negizinen mamyr, maýsym aılarynda suranys joǵary bolatyndyǵyn atap aıtty.
«Bizdiń ońtústik jaqtyń aýa raıy birshama ystyq bolǵandyqtan maldy da negizinen kúz, qys, erte kóktemde bordaqylaǵan jaqsy. Bizdiń seriktestik maldyń jem-shóbin de ózi daıyndaıdy. Otyrar aýdany, Talapty aýyl-okrýginde júz gektardaı egistik alqabymyz bar. Júgeri men bıdaı aralasqan untaq jegen mal eki jarym aıda semiredi. Ári onyń eti de dámdi bolady. Sapaly ónim óndirseń ózińniń turaqty tutynýshyńdy qalyptastyrasyń. Búginde biz óz ónimimizdi qaıda, qalaı ótkizemiz dep qınalmaımyz. Óz tutynýshylarymyz bar. Olar kóbine kórshiles jatqan Reseı, Ózbekstan, Tájikstan jáne Qyrǵystannan keledi. Otandyq ónim óndirýshilerge memleket tarapynan sýbsıdııa beriledi. Ótken jyly ár kelisine 200 teńgeden tóledi. Jalpy, 4 mıllıon teńge sýbsıdııa aldyq. Bul bizdiń bıznesimizdi odan ári órkendetýge jol ashady. Búginde on shaqty adamdy turaqty jumyspen qamtyp otyrmyz. Jalpy, jumys isteımin, jeke kásipkerlikpen aınalysamyn degen adamǵa bizdiń elde múmkindik mol», - dep atap ótti ol.
