Etıketkalardy skanerleýge arnalǵan WIPON qosymshasyn 30 myń qazaqstandyq júktedi - QR QM MKK

ASTANA. QazAqparat - Etıketkalardy skanerleýge arnalǵan WIPON qosymshasyn 30 myń qazaqstandyq júktep aldy. Bul týraly búgin QR Qarjy mınıstrliginiń Memlekettik kirister komıtetine qarasty Damý jáne jańǵyrtý departamenti Jobalar jáne jańǵyrtý basqarmasynyń basshysy Jambyl Suraǵanov málim etti.

«2015 jyly WIPON mobıldik qosymshasyn iske qosqan edik. Biz bul jaıynda birneshe ret aıtqan edik. Degenmen, men taǵy da bir márte onyń bizdiń otandyq ázirleme ekendigin atap ótkim keledi. Uıaly telefondaryńyzǵa júktep alýǵa bolatyn bul qosymsha kontrafaktili alkogol ónimderin anyqtaý úshin paıdalanylady. Siz aktsızdik markany skanerlegennen keıin ol jaıyndaǵy málimetter MKK serverine beriledi», - dedi ol.

J.Suraǵanovtyń atap ótýinshe, bul qosymshany bul kúnde 30 myń paıdalanýshy telefonyna júktep, olar 30 myńnan astam ónimdi skanerlegen. Al skanerlengen ónimniń 31 paıyzy  kontrafaktilik ónim bolǵan. Osy rette aıta keterligi, 2016 jyldyń 1 toqsanynda salyq organdary 457 tekserý júrgizip, nátıjesinde 409966 shólmek kontrafaktilik alkogol ónimi anyqtalǵan.