Et baǵasynyń tómen bolýy mal sharýashylyǵynyń damýyna teris áser etti — Jumanǵarın
ASTANA. KAZINFORM — Et baǵasynyń tómen bolýy mal sharýashylyǵynyń damýyna teris áser etti. Mundaı pikirdi Aqordada BAQ ókilderiniń saýalyna jaýap bergen Premer-mınıstrdiń orynbasary — Ulttyq ekonomıka mınıstri Serik Jumanǵarın bildirdi.
— Uzaq jyl boıy et baǵasy 2500-2900 teńge boldy. Bul mal sharýashylyǵyna teris áser etti. Sebebi mal sharýashylyǵymen aınalysýǵa eshkimniń qyzyǵýshylyǵy bolmady. Sol sebepti baǵa kóterildi. Qazir biraz adam osy salaǵa nazar aýdaryp otyr, — dedi Serik Jumanǵarın.
Osy oraıda ol et baǵasynyń arzandamaıtyndyǵyn, biraq, ishki naryqty tolyq qamtamasyz etip, eksportqa shyǵarýǵa da múmkindik bar ekenin atap ótti.
— Qyrǵyzstanda et baǵasy Úkimet tarapynan retteledi. Al Keńes odaǵynyń basqa elderimen salystyrǵanda Qazaqstanda baǵa tómen. Malshylar kúni-túni jumys isteıdi. Sharýashylyqpen eshkimniń aınalysqysy kelmeıdi. Óte aýyr jumys. Qalaı et baǵasy arzan bolady?! , — dedi vıtse-premer.
Aıta keteıik, Aqordada Memleket basshysy Qasym-Jomart Toqaev elimizge memlekettik saparmen kelgen Kongo Demokratııalyq Respýblıkasynyń Prezıdenti Felıks Chısekedıdi qarsy aldy.
Qazirgi ýaqytta joǵary deńgeıdegi kelissózder júrip jatyr.