Et baǵasyn qalaı arzandatýǵa bolady — fermer pikiri
ASTANA. KAZINFORM — Qazaqstanda mal sharýashylyǵymen aınalysatyn sharýashylyqtar kóbeıse, báseke artyp, et baǵasy arzandaýy múmkin. Bul týraly Qazaqtyń aqbas tuqymy respýblıkalyq palatasynyń atqarýshy dırektory, fermer Bahtııar Ótelbaev BIZDIÑ ORTA podkastynda aıtty.
Onyń aıtýynsha, et baǵasyn turaqtandyrýdyń bir joly — mal sharýashylyǵyna jańa kásipkerlerdi tartý.
— Osy salaǵa kirińizder, kelińizder. Neǵurlym sharýashylyq kóp bolsa, erteń ettiń baǵasy da arzandaıdy. Óıtkeni báseke bolady. Jaqsy maldy tıimdi baǵamen óndirip, etti naryqqa kóbirek shyǵarsaq, baǵany turaqtandyrýǵa bolady, — dedi Bahtııar Ótelbaev.
Fermerdiń pikirinshe, sharýashylyqtardyń kóbeıýi naryqtaǵy básekeni kúsheıtip, et usynysyn arttyrýǵa múmkindik beredi.
Osydan buryn Jetisý oblysynda tórt jylda et óndirisi 11,6%-ǵa artqanyn jazǵanbyz.
