Etalon ortalyǵy 2009 jyldyń eń úzdik jas standartaýshysyn anyqtady
ASTANA. Qarashanyń 2-si. QazAqparat - QR Indýstrııa jáne saýda mınıstrliginiń Tehnıkalyq retteý jáne metrologııa jónindegi komıteti «Eń úzdik jas standarttaýshy - 2009» atty 1-shi ulttyq baıqaýyn ótkizdi,
dep habarlaıdy QazAqparat Komıtettiń baspasóz qyzmetine silteme jasap.
Baıqaýdyń basty maqsaty standarttaý salasyna mamandardy daıarlaýdyń deńgeıin arttyrý, ǵylym jáne qoldanbaly qyzmetterdegi jetistikteri úshin jas standarttaýshylardy, stýdentterdi anyqtaý, qoldaý kórsetý jáne yntalandyrý boldy.
Baıqaýǵa tehnıkalyq retteý baǵytyndaǵy respýblıkanyń joǵary oqý oryndarynan, mekemeler men kásiporyndardan barlyǵy 9 ókil qatysty. Baıqaýda bekitilgen erejege sáıkes, qatysýshylardyń ǵylymı jumystary qaralyp, olarǵa birneshe belgi boıynsha baldar taǵaıyndaý úshin jan-jaqty taldaý jasaldy.
Ǵylymı jumystarǵa júrgizilgen taldaý jumystarynyń jáne baǵalardyń nátıjesi boıynsha baıqaý jeńimpazy bolyp L.Gýmılev atyndaǵy Eýrazııa Ulttyq ýnıversıtetiniń magıstranty Janna Nuǵymanova tanyldy. Ekinshi oryn atalmysh oqý ornynyń 4 kýrs stýdenti Dınara Bákijanovaǵa buıyrsa, úshinshi júldeli oryndy «Ertis-Standart» JShS-nyń mamandary Aıgúl Mustafınova jáne Angelına Komendatova ózara bólisti.
