Etalon ortalyǵyndaǵy kúrdeli jóndeýge qansha qarajat bólindi

ASTANA. KAZINFORM – Saýda jáne ıntegratsııa mınıstri Arman Shaqqalıev Etalon ortalyǵyndaǵy kúrdeli jóndeýge qatysty túsinik berdi.

Búgin Parlament Májilisinde tilshiler elordadaǵy etalon saǵatynyń tablosy nege iske qosylmaı jatqanyn surady. 

- Etalon saǵaty jumys istep tur, tek onyń tsıferblaty qosylmaǵan. Óıtkeni tsıferblat ta, Etalon ortalyǵy da kúrdeli jóndeýde. Bul jumystarǵa 1,5 mlrd emes, 700 mln bólindi. Osy somanyń azaıýyna baılanysty smetalyq quny da ózgeredi. Qazir túzetýler engizilip otyr. Atalǵan nysanda jóndeý jumystary bastaldy, - dedi Arman Shaqqalıev. 

Onyń aıtýynsha, ýaqyt etalonynyń jumysy qadaǵalaýda tur jáne onda eshqandaı aqaý joq. 

- Qazir ol jerde tek ekran ǵana qosylmaı tur, ıaǵnı jóndeý jumystary sebebinen. Jóndeý aıaqtalǵannan keıin, atalǵan ekrannan ýaqyt kórsetiledi. 2026 jyly osy jumystar aıaqtalady, - dedi mınıstr. 

Eske salsaq, Astanadaǵy Etalon ortalyǵy 2006 jyly ashyldy.