Et ımporty boıynsha kvota qalaı bólinedi
ASTANA.KAZINFORM – Qazaqstanǵa ettiń jekelegen túrlerin ımporttaýǵa arnalǵan tarıftik kvotalardy syrtqy saýda qyzmetine qatysýshylar arasynda bólý tártibi ózgerýi múmkin. Tıisti buıryq jobasy «Ashyq NQA» portalynda qoǵamdyq talqylaýǵa shyǵaryldy.
Qujatqa sáıkes, tarıftik kvota úlesin tarıhı jáne jańa ónim berýshiler arasynda 80/20 araqatynasynda bólý usynylyp otyr.
– Joba buıryǵymen Qazaqstan Respýblıkasyna ettiń jekelegen túrlerin ákelýge arnalǵan tarıftik kvotalardy syrtqy saýda qyzmetine qatysýshylar arasynda bólý qaǵıdalaryn qaıta bekitý, sondaı-aq tarıftik kvota úlesin tarıhı jáne jańa ónim berýshiler arasynda tıisinshe 80/20 araqatynasynda qaıta bólý kózdeledi, – delingen qujatta.
Joba Qazaqstan Respýblıkasy Ádilet mınıstrliginiń normatıvtik quqyqtyq aktilerdi memlekettik tirkeýge qatysty talaptaryna, sondaı-aq 2026 jylǵy 5 maýsymda ótken Syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııa otyrysynyń hattamasyna sáıkes ázirlengen.
Qujat boıynsha qoǵamdyq talqylaý 9 qyrkúıekke deıin jalǵasady.
Aıta keteıik, et óniminiń eksporty 50 paıyz óskenin jazǵanbyz.
Sonymen qatar Oralda et ónimderin «jalǵan» sertıfıkattaý deregi anyqtalǵan edi.
