Et eksporttaý baǵytynda ilgerileý bar ma
ASTANA. KAZINFORM — Aýyl sharýashylyǵy mınıstrligi byltyrǵy et eksportyna qatysty túsinik berdi.
- 2024 jyldyń 11 aıynda et eksportynyń kólemi 73 myń tonnaǵa jetti, al 2023 jyldyń 11 aıynda bul kórsetkish 50 myń tonna bolǵan. Byltyrǵy eksporttyń arasynda sıyr eti 19,7 myń tonna (2023 jyldyń 11 aıy – 14,6 myń tonna), qoı eti – 15 myń tonna (7,2 myń tonna), sondaı-aq qus eti 38 myń tonna boldy. Al jylqy eti men shoshqa eti 2024 jylǵy 11 aıynda eksporttalmaǵan (2023 jylǵy 11 aıynda shoshqa eti - 20 tonna), - delingen mınıstrliktiń Kazinform agenttigine bergen jaýabynda.
Negizgi eksporttyq naryqtar:
- Ózbekstan – 31 myń tonna (2023 jyldyń 11 aıy – 19,9 myń tonna)
- Reseı – 24 myń tonna (2023 jyldyń 11 aıy – 19,3 myń tonna)
- Qyrǵyzstan – 11 myń tonna (2023 jyldyń 11 aıy – 8 myń tonna).
Sıyr etiniń negizgi eksporty
Ózbekstanǵa 18,6 myń tonna (2023 jyldyń 11 aıy – 13,8 myń tonna), Tájikstanǵa 490 tonna (2023 jyldyń 11 aıynda eksporttalmaǵan), Iranǵa 298,4 tonna (2023 jyldyń 11 aıy – 272,6 tonna) baǵyttaldy.
Qoı etiniń eksporty
Ózbekstanǵa 11,9 myń tonna (2023 jyldyń 11 aıy – 5 myń tonna), BAÁ-ge 1130 tonna (2023 jyldyń 11 aıy – 1313 myń tonna), Iranǵa 1014 tonna (2023 jyldyń 11 aıy – 74,5 tonna) jiberildi.
Qus etiniń eksporty:
Reseıge 24,1 myń tonna (2023 jyldyń 11 aıy – 19,3 myń tonna), Qyrǵyzstanǵa 11 myń tonna (2023 jyldyń 11 aıy – 7,5 myń tonna), Tájikstanǵa 1,3 myń tonna (2023 jyldyń 11 aıy – 78 tonna) shyǵaryldy.
Buǵan deıin Aýyl sharýashylyǵy mınıstrligi Qazaqstan Qytaı, Túrkııa jáne Eýropa sekildi alyp naryqtarǵa et eksporttaıtynyn habarlaǵan edi.