Et densaýlyqqa zııan emes – zertteý
NUR-SULTAN. QazAqparat – Birneshe memlekettiń ǵalymdary et pen qaýipti aýrýlardyń arasynda esh baılanys joq ekenin anyqtady. «Alty mıllıon adamnyń málimetterinen jınalan tórt metaanalız nátıjesinde ǵalymdar et pen óńdelgen ettiń qaýipti aýrýlarǵa, onyń ishinde raktyń týýyna esh áser etpeıtinin anyqtady», dep jazady Annals of Internal Medicine basylymy.
«Tórt jyl buryn Halyqaralyq rakpen kúres agenttiginiń mamandary kún saıyn etti qalypty mólsherden elý gramǵa kók tutyný raktyń paıda bolý múmkindigin arttyratynyn anyqtaǵan bolatyn. Sonymen qatar, óńdelgen et pen raktyń basqa túrleriniń de arasynda baılanys bary aıtylǵan edi», dep jazady avtor. Onyń aıtýynsha, ettiń adam densaýlyǵyna áserin zertteý úshin segiz memlekettiń ǵalymdary NutriRECS zertteý konsortsıýmyn qurdy.
«Ǵalymdar arnaıy baza qurylǵaly beri byltyrǵy jylǵa deıingi málimetterdi saraptaǵan. Ǵalymdar óńdelgen etke qaqtalǵan, súrlengen jáne keptirilgen etti jatqyzǵan. Analız barysynda ǵalymdar et tutyný men rak, júrek qantamyr jáne basqa da aýrýlardyń arasynda baılanys joǵyn anyqtady», dep jazady basylym.
