Et baǵasynyń kúrt ósýine sebep joq – Erbol Qarashókeev

NUR-SULTAN. QazAqparat – Elimizde et naryǵyndaǵy jaǵdaı turaqty, baǵanyń kúrt ósýine negiz joq. Bul jaıynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Et baǵasyna qatysty toqtalsam, qazir et óndirisiniń kólemi turaqty, artyp ta keledi. Eksportqa da shyǵarylýda. Jaǵdaı turaqty. Mal basy da arta túsýde. Óńdelgen ettiń shetelge eksport kólemi de ulǵaıýda. Sondyqtan jaǵdaı turaqty. Eger qarasańyzdar, baǵa ósimi bar. ıAǵnı, janarmaıdan bastap mal sharýashylyǵynyń shyǵyndary artyp otyr. Qajetti dúnıeniń bárine baǵa ósip keledi. Osyǵan baılanysty birshama qymbattaýy múmkin», - dedi mınıstr Úkimet otyrysynan keıin BAQ ókilderine bergen suhbatynda.

Onyń atap ótýinshe, mal sharýashylyǵynyń kiristilik deńgeıi birkelki saqtalýy tıis. Eger olar shyǵynǵa batsa, onda ettiń qajetti kólemi de soǵan saı baǵa da bolmaıdy.

«Baǵany boljaý qıyn. Baǵaǵa boljam jasaǵan kezde birneshe faktordy eskergenimiz jón. Birinshi faktor - mal basy. Bizde mal basy turaqty artyp kele jatyr. Ekinshi másele - qarjylarndyrý. Ettiń qymbat bolýyna, qatty qymbattap ketýine negiz joq», - dedi Erbol Qarashókeev.