ESJ taýar naryǵynda alty aılyq astyq fıýchersi iske qosyldy
ALMATY. Maýsymnyń 11-i. QazAqparat /Erbol Azanbek/ - Bırja -zamanýı naryqtyń eń qajetti quraldarynyń biri, onyń negizgi basymdylyǵy-aıqyndylyǵynda. Bul týraly búgin Aýylsharýashylyǵy kesheni ekonomıkasy men aýyldardy damytýdyń qazaqstandyq ınstıýtynyń jetekshi ǵylymı qyzmetkeri, «QazAgroInnovatsııa» AQ-nyń aýylsharýashylyǵy kesheni óndiristik qarjylyq resýrstary bóliminiń jetekshi ǵylymı qyzmetkeri Amantaı Qultaev Almatydaǵy ESJ taýar bırjasynda qyrkúıek, qazan, qarasha aıynda oryndalýy tıis fıýchersterdiń iske qosý sharasy barysynda aıtty.
Onyń aıtýynsha, bırjalyq múmkindikterdi tanystyrýdy nasıhattaýdyń úlken sharasyn qolǵa alý kerek. «Brokerlar fermerlermen belsendi jumys istep, bırjanyń tıimdiligin túsindirý kerek. Qazir az astyq óndiretin fermerler eksport naryǵyna shaǵy almaıdy. Olarǵa bul rette bırja úlken kómek bolar edi», deıdi ǵalym.
Onyń aıtýynsha, fermerlerdi 10 paıyzdyq alym úrkitýi múmkin. «Bul jerde memlekettik kómek qajet. Menińshe, bul aqsha túrindegi kepildik alymdaryn astyq túrinde berýge múmkindik jasaý kerek», deıdi ol. ESJ taýar bırjasynyń basqarma tóraǵasy Qurmet Orazaevtyń aıtýynsha, qazaqstandyq naryqta jańa bırjalyq qural - qyrkúıek, qazan, qarasha aıynda oryndalýy tıis fıýchers engizilip otyr. «Qazirgi basty maqsat, osy quraldyń tıimdiligi týraly buqaraǵa durys túsindirý. Bul rette sarapshylardyń buqaralyq túsindirýi kerek. Alǵash rette bul qural qıyn kórinýi múmkin. Alaıda biz jyl boıy onyń tehnıkalyq jáne aqparattyq jaqtaryn túgel synap kórdik», deıdi bırja basshysy.
Qor ókilderiniń aıtýynsha, alty aılyq fıýchersti iske qosý osy kezeńge beker kelip otyrǵan joq. «Egin egý naýqany aıaqtaldy, sondyqtan bul qural dál qazirgi ýaqytta naryqqa qatysýshylarǵa qajet», deıdi Q.Orazaev.
