ESJ saýda bırjasyndaǵy qurylys taýarlarynyń saýdalaný kórsetkishi 862 mln. teńgeden asty
ASTANA. 24 qańtar. QazAqparat - 2012 jyly Eýrazııalyq saýda júıesinde «Qoljetimdi baspana- 2020» baǵdarlamasynyń aıasyndaǵy qurylys taýarlarynyń saýdalaný kólemi 862 mln. teńgeden asty, dep habarlady QR Premer-Mınıstriniń resmı saıty taýarly bırjanyń baspasóz qyzmetine silteme jasap.
"2012 jyly «Qoljetimdi baspana» baǵdarlamasynyń aıasynda «Samuryq-Qazyna» jyljymaıtyn múlik qorynyń jelisi boıynsha iske asyrylyp jatqan jobalar úshin «Eýrazııalyq saýda júıesi» taýarly bırjasynda qurylys taýarlarynyń saýdalaný kórsetkishi 862 047 500 teńgeni qurady", - delingen kompanııa habarlamasynda.
Atap kórsetilgendeı, bıýdjet qarjysyn edáýir únemdeý maqsatynda 2012 jyldyń 22 qazanynda anonımdi bırja aýktsıony rejıminde golland júıesi boıynsha (baǵany tómendetý) ilki saýda ótti. Lottyń bastapqy baǵasy 1 mln. teńgeni qurady, saýdanyń nátıjesinde soma 947,5 myń teńgege (5,3%) deıin arzandatyldy.
29 jeltoqsanda úsh lot boıynsha anonımdi bırja aýktsıony ótip, ondaǵy bastapqy baǵalar 314,5 mln. teńgeni, 379,5 mln, teńgeni jáne 261,3 mln. teńgeni qurady. Aýktsıon barysynda málimelerdiń baǵasy 291,3 mln. teńgege (7,4%), 330 mln. teńgege (13,1%) jáne 239,8 mln, teńgege (8,2 %) deıin tómendedi.
Aıta ketý kerek, anonımdi bırja aýktsıony rejımi satyp alý protsesin ońtaılandyryp qana qoımaıdy, sonymen birge naryqtyq baǵa túzýdi jáne qatysýshylardyń teń qoljetimdiligin qamtamasyz etedi.
