Esý slalomynan Álem chempıonatyna 3 qazaqstandyq qatysyp jatyr
NUR-SULTAN. QazAqparat – Germanııanyń Aýgsbýrg qalasynda esý slalomynan álem chempıonaty bastaldy. Ol 31 shildege deıin jalǵasady, dep habarlaıdy QazAqparat Ulttyq olımpıada komıtetine silteme jasap.
Álem chempıonaty aıasynda jarystar atalǵan sporttyń eki túrinen ótedi: baıdarka men kanoeda esý slalomy, ekstrım kanoe-slalomy.
Kanoe-slalom 1972 jyly Olımpıada dıstsıplınasyna engen. Al ekstremaldy slalom boıynsha jarystar 2024 jyly Parıjde ótetin Olımpıada oıyndarynda alǵash ret ótedi.
Qazaqstan komandasynyń quramy:
1. Ekaterına Tarantsova, K1W sanaty. Biliktilikke búgin, 28 shildede qatysady.
2. Aleksandr Kýlıkov, S1M sanaty. Biliktilik 29 shildege belgilengen.
3. Anastasııa Ananeva, S1W sanaty. 29 shildede irikteý kezeńinde óner kórsetedi.
Foto: olympic.kz
