Estý qabileti zaqymdanǵan sportshylar grek-rım kúresinen álem chempıonatynda 1 altyn men 2 qola medal aldy

ASTANA. QazAqparat - Estý qabileti zaqymdanǵan sportshylar arasynda grek-rım kúresinen álem chempıonatynda qazaqstandyq palýandar 1 altyn jáne 2 qola medal jeńip aldy, dep habarlaıdy QazAqparat QR Týrızm jáne sport mınıstrliginiń baspasóz qyzmetine silteme jasap.

Al elimizdiń jastar quramasy 2 altyn, 2 kúmis jáne 2 qola júldege ıe bolyp, jalpykomandalyq esepte 1-shi oryndy ıelendi.

Eresekter arasynda:

1 oryn – Asan Nurjan (82 kg);

3 oryn – Ormanov Abylaıhan (63 kg);

3 oryn – Shonký Haırathaan (130 kg).

Jastar arasynda:

1 oryn - Samarın Andreı (67 kg);

1 oryn - Ábdrásil Ramazan (97 kg);

2 oryn - Babashov Sultan (63 kg);

2 oryn - Progýdın Denıs (72 kg);

3 oryn - Myrzaev Azamat (77 kg);

3 oryn - Tileýmbet Mýhametalı (82 kg)

Esterińizge sala keteıik, chempıonattyń alǵashqy kúnderinde kadetter arasynda jarys ótti, onyń qorytyndysy boıynsha Qazaqstan quramasy 3 altyn, 2 kúmis jáne 1 qola medalmen komandalyq esepte 1-shi oryndy ıelengen bolatyn.

Joǵary nátıjege qol jetkizgen palýandardy QR Týrızm jáne sport mınıstri Ermek Marjyqpaev quttyqtady.

«Palýandarymyzdy osynaý keremet nátıjemen quttyqtaımyn. Elimiz sizderdi maqtan tutady. Bul nátıje úlken jeńisterdiń bastamasy ǵana ekenine jáne elimizdiń ánurany basqa da iri týrnırlerde, sonyń ishinde Sýrdlımpıada kezinde shyrqalatynyna senimdimin. Sheberlik shyńdaýdan jáne jańa belesterdi baǵyndyrýdan talmańyzdar»,- dedi Ermek Marjyqpaev.

Estý zaqymdanǵan sportshylar arasynda grek-rım kúresinen álem chempıonaty 2-6 qyrkúıek aralyǵynda Qyrǵyzstan astanasy Bishkekte ótti. Týrnırge 16 elden 300-den astam sportshy qatysty. 7-11 qyrkúıek aralyǵynda sportshylar erkin kúres boıynsha júldege talasady.