Estý qabileti nashar aqmolalyq jeńil atlet Qazaqstan chempıony atandy

Jarys jolyna elimizdiń ár óńirinen jınalǵan 100-den astam sportshy qatysty, dep habarlaıdy QazAqparat tilshisi Aqmola oblystyq dene shynyqtyrý jáne sport basqarmasynyń baspasóz qyzmetine silteme jasap.

Vedomstvonyń málimetinshe, Qaraǵandy qalasynda estý qabileti nashar sportshylar arasynda jeńil atletıkadan Qazaqstan Respýblıkasynyń chempıonaty ótti. Onda aqmolalyq sportshylar 9 júldege qol jetkizdi.

«Jerlesterimizdiń arasynda Valerıı Tereşenko birinshi oryn ıelense, Vıktor Baranov, Elena Pýtıntseva, Andreı Pýtıntsev jáne 4h400 metr estafetada synǵa túsken Valerııa Tereşenko, Anatolıı Leonov, Marýfa Sharafıdınova, Vıktor Baranov ekinshi keldi. Al, Anatolıı Leonov, Roza Aqsholaqova jáne 4h200 metr (mıks) jarys jolyna shyqqan Dılnaz Májıtova, Roza Aqsholaqova, Valerıı Tereşenko, Marýf Sharafıdınov úshinshi orynnan kórindi. Jarys qorytyndysy boıynsha, jalpy komandalyq esepte Aqmola oblysy 6 oryn aldy», - deıdi Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.