Estrada juldyzdary Japonııaǵa kómek kórsetý maqsatynda Astanada qaıyrymdylyq kontsertin beredi
ASTANA. 2 maýsym. QazAqparat /Gúlmıra Álıakparova/ - Qazaqstannyń estrada juldyzdary zilzaladan zardap shekken Japonııaǵa kómek kórsetý maqsatynda Astana qalasynda qaıyrymdylyq kontsertin beredi.
Bul týraly «Japonııaǵa járdem» komıtetinen málim etti.
Keshe, «Japonııaǵa járdem» komıteti Almatydaǵy Ulttyq baspasóz ortalyǵynda qaıyrymdylyq qarajattardy jınaý boıynsha jumys nátıjelerin jarııalap, 5 maýsym kúni Astanadaǵy «Qazaqstan» ortalyq kontsert zalynda ótetin qaıyrymdylyq kontsert jaıynda aıtyp berdi.
Kontsertke «Muzart», «Báıterek», «Dabl» toptary, Qydyráli Bolmanov, Qaraqat, Marjan Arapbaeva jáne taǵy da basqa otandyq juldyzdar qatysady. Keshtiń júrgizýshileri - Tursynbek Qabatov pen ıAroslav Melehın. Sharany uıymdastyrýmen Qazaqstan Respýblıkasy Mádenıet mınıstrligi, Astana qalasy ákimdigi jáne «Bolashaq» qaýymdastyǵy aınalysýda.
Jınalǵan qarjy Japonııanyń Qazaqstan Respýblıkasyndaǵy Elshiligi arqyly Japonııanyń Qyzyl krest qoǵamyna aýdarylatyn bolady.
«Japonııaǵa kómek kórset» komıteti birneshe qazaqstandyq jáne sheteldik uıymdardyń bastamashylyǵymen apat oryn alǵannan keıin tez arada quryldy. Komıtet jumysynyń maqsaty tek qaıyrymdylyq qarajattaryn jınaý ǵana emes sondaı-aq, Japonııa qaıǵysyna qazaqstandyqtardyń ortaqtastyǵynn bildirip, eki el arasyndaǵy dostyq qarym-qatynastardy nyǵaıtýǵa septigin tıgizý bolyp tabylady.
