Estrada juldyzdary senbilikke shyqty
ASTANA. QazAqparat - Mádenıet qaıratkerleri, teatr akterlary, qazaq estradasy men shoý bıznes juldyzdary «Qalany taza qylaıyq!» ekologııalyq aktsııasyna qatysty, dep xabarlaıdy QazAqparat tilshisi.
Senbilik kezinde teatr jáne kıno akterlary Nurken Óteýilov, Qýandyq Qystyqbaev, estrada juldyzdary Dosymjan Tańatarov, Nurǵalı Turlybekov, Rınat Maltsagov, «Dabyl» toby, «Astana.KZ» KTK komandasynyń qatysýshysy Málik Hasenov jáne taǵy basqa tanymal azamattar Esil ózeniniń jaǵasyn jınap shyqty.
«Biz óz qalamyzdy jaqsy kóremiz. Sondyqtan senbilikke shyǵyp, jastarǵa úlgi kórsetkendi jón kórdik. Negizi, adamdy adam etken eńbek qoı. Sol sebepti jylyna birneshe ret osylaı árqaısymyz senbilikke shyqsaq, sóz joq, Astananyń gúldenýine úles qosa alamyz», - deıdi ánshi Dosymjan Tańatarov.
«Qalany taza qylaıyq!» ekologııalyq aktsııasyna Astananyń barlyq shyǵarmashylyq ujymdary qatysty. Olardyń ishinde astanalyq tsırk, qazaq drama teatry, orys drama teatry, «Naz» bı teatry, fılarmonııa, Beıbitshilik jáne kelisim saraıy, Táýelsizdik saraıy, «Jastar» saraıy, qalalyq kitaphanalar men basqa da shyǵarmashylyq ujymdar bar.
«Astana - bizdiń ortaq úıimiz, al qalanyń Mádenıet basqarmasynda isteıtin adamdar - bizdiń áriptester, sondyqtan biz óz qalamyzdy jáne dostarymyzdy qoldaýǵa keldik» - deıdi Rınat Maltsagov.
Aıta keteıik, búgingi jalpy qalalyq senbilikke depýtattar da shyqty. Sol jerde halyq qalaýlylary senbilikti asarmen almastyrý bastamasyna qatysty óz oılarymen bólisti. Al Astanada ákimi Áset Isekeshev qalanyń eski bóligin nazardan tys qaldyrmaýǵa ýáde berdi.
