Estrada juldyzdary: Betperde taǵyńyz, adam kóp jerge barmańyz
NUR-SULTAN. QazAqparat -Qazaqstannyń estrada juldyzdary el turǵyndaryn karantın talaptaryn saqtaýǵa shaqyryp, úndeý jasaýda, dep habarlaıdy QazAqparat tilshisi.
«2020 jyl adamzat úshin qıyndyqqa, synaqqa toly jyl boldy. COVID-19 indetiniń ary qaramaı taramaýy, onyń toqtaýy óz qolymyzda. Halyq kóp jınalǵan jerden aýlaq bolyp, árqashan betperde taǵyp júrýdi umytpańyzdar. Barlyq qıyndyqty birge jeńip shyǵamyz», - dedi ánshi Jubanysh Jeksenuly.
Al ánshi Beıbit Kóshqalıev koronavırýs ınfektsııasynan aman-saý bolý úshin adamdar kóp jınalatyn jerde saqtyq sharalaryn umytpaı, maska taǵyp júrý kerektigin eskertedi.
«Betperde taǵýdy umytpańyz. Betperde ózińizdi jáne otbasyńyzdy qutqarýdyń eń qarapaıym tásili. Sizderge, jaqyndaryńyzǵa zor densaýlyq, mol baqyt tileımin. Aman-saý bolyńyzdar», - dedi Qazaqstannyń eńbek sińirgen qaıratkeri, ánshi ári mýzykant Igor Blagodarnyı.
