Estrada juldyzdary balalardy merekemen quttyqtady
Atap aıtqanda, Mamandandyrylǵan balalar úıinde «Jigitter» toby, reseılik «Gradýsy» toby sondaı-aq Katıa Lel óz ónerlerin kórsetip búldirshinderdi qýantyp qaıtty. Almas Kishkenbaev, reseılik Hanna, Egor Krıd «Ana men bala ortalyǵynda» onkologııa bóliminde em qabyldap jatqan balalarǵa densaýlyq tilep, barshaǵa qýanysh syılady. Bul týraly Astana qalasynyń Mádenıet, muraǵattar jáne qujattama basqarmasynyń baspasóz qyzmetinen habarlady.
«Óz densaýlyǵy úshin kúresip, ómir súrgisi kelgen ár bala úshin biz árdaıym ónerimizdi pash etýge daıynbyz. Óıtkeni elimizdiń bolashaǵy - jas búldirshinder. Jaqsy kóńil kúı qashanda adam balasynyń uzaq ómir súrýine kepil bolǵan! Sondyqtan, osy balalarǵa qýanysh pen shattyq kórsetýge aıanbaı eńbek etemiz», - dedi Almas Kishkenbaev.
Sondaı-aq, Anastasııa Volochkova, Satı Kazanova, «Keshıý» toby jáne «Júginisovter» trıosy áleýmettik qyzmet kórsetý ortalyǵynda balalarǵa qýanysh syılady. «Balam-aı» múmkindigi shekteýli ortalyǵynda Madına Sádýaqasova, reseılik Maksım jáne Tanıa Tereshına, sondaı-aq Búrkit, reseılik Anna Sedakova tanymal ánshiler Potap jáne Nastıa №1, №2 qalalyq balalar aýrýhanasyna baryp jasóspirimderdi merekelerimen quttyqtap, jyly lebizderin bildirip, jyly yqylasqa bólep qaıtty. Otandyq jáne reseılik shoý bıznes ókilderi tek án aıtyp qoımaı, balalarǵa arnaǵan syı-sııapattaryn tapsyrdy.
