Estonııany azat etýde qaza tapqan maıdangerdiń súıegi elge jetkizildi
Ol 1944 jyly nemis basqynshylarynan Estonııany azat etýde qaza tapqan, dep habarlaıdy QR QM baspasóz qyzmeti.
Jerleý rásimin áskerı qyzmetshiniń týǵan qalasy Semeıde ótkizý josparlanyp otyr. Qazirgi ýaqytta súıekteri Astana ákelindi, QR Qarýly Kúshteriniń Ulttyq áskerı-patrıottyq ortalyǵynda áskerı joralǵylar jasalyp, estelik is-sharalary uıymdastyryldy. Batyr qazaqstandyqqa qurmet kórsetý úshin ardagerler uıymy, «Jas Ulan» respýblıkalyq áskerı mektebi men áskerı-patrıottyq klýbtardyń tárbıelenýshileri, Astanadaǵy oqý oryndaryndaǵy áskerı kafedralar stýdentteri jınaldy.
«Іzdestirý is-sharalarynyń nátıjesinde «Erligi úshin» medalimen birge Nıkolaı Fedorovıch Sorokınniń súıekteri tabyldy. Medaldiń nómiriniń arqasynda onyń ózin anyqtaýǵa múmkindik boldy, sodan soń jaqyndary men týystaryn izdestirdik. Sarbazdyń súıekterin týǵan jerine qaıtarǵanymyzǵa óte qýanyshtymyz», - dedi estondyq «Front Line» Áskerı-tarıhı birlestiktiń ókili Andreı Lazýrın.
Osyndaı estelik is-sharalary «Shyǵys» óńirlik qolbasshylyǵy áskerleriniń basshylyǵymen Semeı qalasyndaǵy garnızonnyń ofıtserler úıinde ótkiziledi.
