Estonııadan Jambyl oblysyna jóneltilgen júkte sýtegi peroksıdynyń shyǵyp jatqany anyqtaldy
ASTANA. Aqpannyń 10-y. QazAqparat - Estonııa Respýblıkasynan Jańatas qalasyna poıyzben jóneltilgen júkte sýtegi peroksıdynyń shyǵyp jatqany anyqtaldy. Bul týraly búgin QR Tótenshe jaǵdaılar mınıstrliginen málimdedi.
Vedomstvo baspasóz qyzmetiniń málimetine sáıkes, aqpannyń 9-y kúni 18 saǵat 10 mınýtta Ońtústik Qazaqstan oblysy Arys stansysyna Shymkenttik temirjol bólimshesiniń kezekshisinen, №2420 poıyzyn tekserý barysynda, vagondardyń birinde Estonııa Respýblıkasynan Jambyl oblysynyń Jańatas qalasyna jóneltilgen árqaısysy 1016 lıtrlik 52 kanıstrdan sýtegi peroksıdynyń shyǵyp jatqandyǵy týraly habar kelip túsken.
Qazir suıyqtyqtyń quramy men aqqan mólsheri anyqtalyp jatyr.
Aıta keteıik, peroksıdtyń ornyna búginde «perekıs» termıni jıi qoldanylady. Al kóptegen organıkalyq zattardyń peroksıdy jarylǵysh, qaýipti zat.
