Estonııadaǵy Halyqaralyq olımpıadaǵa Qazaqstannyń bes oqýshysy qatysady
ASTANA. 26 aqpan. QazAqparat - Kelesi jyly Qazaqstanda fızıkadan halyqaralyq olımpıada ótedi. Bul týraly búgin «Daryn» respýblıkalyq ǵylymı-praktıkalyq ortalyǵynyń dırektory Sholpan Qırabaeva málim etti.
Onyń aıtýynsha, atalǵan bilim dodasy bıyl Estonııa memleketinde ótpek. «Oǵan biz bes oqýshydan quralǵan komandany jiberemiz. Olardyń barlyǵy - fızıka pániniń úzdikteri. Al kelesi jyly olımpıada bizdiń jerimizde uıymdastyrylady. Bul - el tarıhyndaǵy eleýli oqıǵalardyń biri. Oǵan álemniń 85 eli qatyspaq. Árbireýi bes adamnan turatyn komandany attandyrady», - dep atap kórsetti Sh.Qırabaeva. Sondaı-aq 2015 jyly Qazaqstanda ınformatıkadan halyqaralyq olımpıadany ótkizý josparlanyp otyr.
