Estonııadaǵy bala baqshada bolǵan órt 10 sábıdiń ómirin alyp ketti
ASTANA. 21 aqpan. QazAqparat - Estonııanyń Haapsalý qalasyndaǵy bala baqshada bolǵan órt on sábıdiń ómirin alyp ketti, dep habarlaıdy Bı-Bı-Sı agenttigi.
Jalynnyń bastalǵany týraly aqparat órt sóndirýshilerge jergilikti ýaqyt boıynsha saǵat 14.30-da kelip jetken. Tilsiz jaý aǵashtan salynǵan ǵımaratqa tez tarap, shatyrdyń jarty bóligi qulap ketken. Órt sóndirýshiler tek tórt jarym kezinde ǵana jalyndy aýyzdyqtap, jaǵdaıdy baqylaýǵa alýǵa múmkindik týǵan.
Órt bastalǵan kezde bala baqsha ishinde 37 búldirshin men toǵyz eresek adam bolǵan.
Tergeý tarapynan qaıǵyly oqıǵanyń ne sebepti bolýy múmkin ekendigine qatysty túsiniktemeler keshigip jatyr.
Belgili bolyp otyrǵany, osydan eki jyldaı ýaqyt buryn ǵımarat ishindegi elektr symdary aýystyrylǵan edi. Órtke qarsy dabyl belgisi der kezinde iske qosylǵan.
Estonııa Prezıdenti Henrık Ilves dúısenbi kúni el boıynsha memlekettik týdy túsirýge shaqyrdy. «Biz barlyǵymyz órt qurbandarynyń otbasylarymen birge qaıǵyryp, kómek qolyn sozamyz», - delingen Prezıdenttiń málimdemesinde.
