Estonııada oryssha shyǵatyn sońǵy merzimdi basylymdar jabyldy
ASTANA. QazAqparat - Estonıı orys tilinde shyǵatyn «Den za dnem» jáne Postimees («Pochtalon») basylymdary jabyldy. Bul týraly newsru.com habarlaıdy.
Olar oqyrmandar sany kúrt tómendep jáne jarnama berilmegen soń osyndaı qadamǵa barǵan. Beısenbide Postimees basylymy óziniń jabylǵanyn jarııa etip, aldaǵy ýaqytta ǵalamtordaǵy úsh portaldy qolǵa alatynyn málimdedi.
«Sońǵy jyldary Estonııada shyǵatyn barlyq orys tildi gazetterdiń oqyrmandary men jazylýshylary kúrt azaıdy. Alaıda oryssha shyǵatyn onlaın basylymdardyń oqyrmandary artýda», - dep málim etti AS Postimees Grupp basqarmasynyń tóraǵasy Peep Kala.
Onyń aıtýynsha, osy sebepti ǵalamtordaǵy jańalyq portaldaryna ınvestıtsııa salýǵa sheshim qabyldandy.
AS Postimees Grupp baltyq elderindegi úsh kontsernniń biri - Eesti Meedia quramyna kiredi. Aktsıonerlik qoǵam Postimees kóne estondyq gazetin jáne birqatar óńirlik gazetter men jańalyq portaldaryn shyǵarady.
Estonııadaǵy 1,3 mıllıon turǵynnyń 29%-y orys tilin ana tili sanaıdy. Elde osy tildi meńgergender úlesi 72% shamasynda.
