Estonııada Qazaqstannyń ıadrolyq qarýsyzdaný saıasaty tanystyryldy
ASTANA. KAZINFORM — Qazaqstannyń Estonııadaǵy Elshisi Altaı Kólginov Tallın ýnıversıtetimen birlesip uıymdastyrylǵan «ıAdrolyq tejeý dılemmasy» dóńgelek ústeliniń jumysyna qatysty.
Іs-sharaǵa Estonııa dıplomatııalyq korpýsynyń ókilderi, kórnekti saıasattanýshy ǵalymdar, sondaı-aq ýnıversıtettiń professor-oqytýshylar quramy men stýdentteri qatysty. Óz sózinde A. Kólginov qatysýshylarǵa Qazaqstannyń biregeı tájirıbesin tanystyryp, álemdegi tórtinshi iri ıadrolyq arsenaldan bas tartý qaýipsizdiktiń jańa arhıtektýrasyn qalyptastyrýdyń bastapqy núktesi bolǵanyn atap ótti.
Elshi Qazaqstan Prezıdenti Qasym-Jomart Toqaevtyń ıadrolyq qaterden azat álem ıdeıalaryn halyqaralyq deńgeıde dáıekti túrde ilgeriletip kele jatqan ustanymyna erekshe toqtaldy.
Talqylaý barysynda Prezıdent Q. Toqaevtyń túıindi sózderi keltirildi: «Qazaqstan ıadrolyq synaqtardyń barlyq qasiretti saldaryn óz tájirıbesinen biledi. Sondyqtan bizdiń elimiz ıadrolyq qarýdan azat álemge qol jetkizý ıdeıasyna berik. Bul mártebege ıe bolý — tek saıası tańdaý ǵana emes, bolashaq urpaq aldyndaǵy moraldyq mindet».
Іs-sharanyń mańyzdy bóligi Qazaqstannyń tarıhı bastamalaryn taldaýǵa, atap aıtqanda, Semeı polıgonynyń jabylýyna jáne ıadrolyq qarýsyzdaný saıasatyna arnaldy.
— Estondyq sarapshylar men dıplomatııalyq korpýs ókilderi ıadrolyq áleýetten bas tartýdyń qazaqstandyq modeli álemdik saıasattaǵy jaýapty kóshbasshylyqtyń eń tabysty úlgisi bolyp qala beredi degen pikirge keldi. Kezdesý sońynda taraptar akademııalyq qoǵamdastyqtyń beıbitshilik ıdeıalaryn ilgeriletýdegi rólin talqylady, — delingen habarlamada.
Іs-shara estondyq ǵylymı-saıası toptardyń Qazaqstan tájirıbesin zerdeleýge degen joǵary qyzyǵýshylyǵyn rastady. Dóńgelek ústel qorytyndysy boıynsha Tallın ýnıversıteti bazasynda halyqaralyq qaýipsizdik jáne gýmanıtarlyq baılanystardy nyǵaıtý máseleleri boıynsha dıalogty jalǵastyrý týraly ýaǵdalastyqqa qol jetkizildi.
Buǵan deıin Qazaqstannyń Japonııadaǵy Elshisi Erlan Baýdarbek-Kojataev Japonııanyń Ósý strategııasy jónindegi Lıberaldy‑demokratııalyq partııasy shtabynyń basshysymen, Japonııanyń burynǵy Premer-mınıstri Fýmıo Kıshıdamen kezdesý ótkizgenin jazǵan edik. Osynda Toqaevtyń Japonııaǵa saparynyń nátıjeleri joǵary baǵalanǵany aıtyldy.