Estonııada qazaqstandyq juppen mánerlep syrǵanaýshylar 6-orynda keledi
ASTANA. QazAqparat - Estonııa astanasy Tallınde mánerlep syrǵanaýdan Tallinn trophy 2018 týrnıri ótýde, dep habarlaıdy QazAqparat.
QR Ulttyq olımpıadalyq komıtetiniń baspasóz qyzmeti málim etkendeı, atalǵan týrnırde juptasyp syrǵanaýda Jansaıa Adyhanova men Ábish Baıqanov juby altynshy orynda keledi. Tóreshiler olardyń ónerin 34.18 upaıǵa baǵalaǵan.
Al jekeleı synda baq synaǵan Aıza Imambek qyzdar arasyndaǵy saıysta 25-shi orynda tur. Qyzdar arasyndaǵy básekede reseılik Serafıma Sahanovıch kósh bastap keledi.
Erler arasynda synǵa túsken Nıkıta Manko men Artýr Panıhın tıisinshe 18 jáne 20-shy oryndardy ıelengen.
Eske salsaq, buǵan deıin «Chellendjer» sanatyndaǵy Tallinn Trophy-2018 týrnırinde qazaqstandyqtar alǵash ret juptyq synda óner kórsetetindigin habarlaǵan bolatynbyz.
