Estonııada dońyz tumaýyna shaldyqqandardyń sany 400 adamnan asty
ASTANA. Jeltoqsannyń 3-i. QazAqparat - Estonııada ótken aptada jáne aǵymdaǵy aptanyń basynda A/H1N1 tumaýyn juqtyrýdyń 132 jańa oqıǵasy tirkeldi.
Nátıjesinde dońyz tumaýyna shaldyqqandardyń sany 401 adamǵa jetti, dep habarlady sársenbi kúni eldiń densaýlyq saqtaý ınspektsııasy.
«RIA «Novostı» agenttiginiń habarlaýynsha, eston dárigerleri, A/H1N1 tumaýynyń alǵashqy oqıǵasy tirkelgen mamyr aıynan bastap, qarasha aıyna deıingi aralyqta aptasyna orta eseppen 10 jańa faktini tirkep otyrǵan. Biraq qarasha aıynan bastap dońyz vırýsyna shaldyqqandardyń sany ósip, aptasyna 50-70 oqıǵaǵa jetse, endi 100 oqıǵadan asyp otyr.
Ótken aptada elde A/H1N1 tumaýynyń saldarynan eki adam qaıtys boldy. 13 jasar jasóspirim men 50 jastaǵy er azamat kóz jumdy.
Estonııanyń Áleýmettik ister mınıstrligi dońyz tumaýyna qarsy vaktsınanyń alǵashqy partııasy elge jeltoqsannyń 7-sinde jetkiziletinin habarlap otyr.
