Estonııada daýyldan keıin 8 myńnan astam úı jaryqsyz qaldy
ASTANA. KAZINFORM — Estonııada soqqan kúshti daýyl saldarynan 8 myńnan astam úı sharýashylyǵy elektr jaryǵynsyz qaldy, dep habarlaıdy Sınhýa agenttigi.
Bul týraly Estonııanyń qoǵamdyq teleradıo korporatsııasy habarlady.
Elektr jelileri operatorynyń málimetinshe, elektr qýatynyń úzilýinen eldiń shyǵys, soltústik-shyǵys jáne ońtústik-shyǵys óńirleri kóbirek zardap shekken.
Mamandardyń aıtýynsha, daýyl batysqa qaraı oıysqannan keıin basqa óńirlerde de elektr energııasynyń úzilý qaýpi saqtalyp otyr.
Daýyldyń saldaryn joıý úshin eń kóp zardap shekken aımaqtarǵa 20 maman jiberildi. Demalys kúnderi qosymsha jóndeý brıgadalary jumyldyrylyp, elektr jelilerin basqarý ortalyǵynyń jumysy kúsheıtildi.
Kompanııa basshysy Mıhkel Hıarm jóndeý toptary kesh boıy jumys istegenin jáne túnde de jumystardy jalǵastyratynyn aıtty.
Onyń sózinshe, keıbir aqaýlardy jeksenbi tańyna deıin tolyq qalpyna keltirý múmkin bolmaýy yqtımal.
Buǵan deıin Estonııanyń Qorshaǵan ortany qorǵaý agenttigi naızaǵaı, qatty jel jáne burshaq qaýpine baılanysty qaýiptiń ekinshi deńgeıin jarııalaǵan bolatyn. Eskertý senbi kúni túngi saǵat 00:00-ge deıin kúshinde boldy.
Osyǵan deıin «Bavı» taıfýny Japonııanyń Okınava araldaryna jetekni týraly jazdyq.
