Estonııa úkimetin alǵash ret áıel adam basqarmaq

TALLIN. QazAqparat – Tallınde 26 qańtarda Estonııanyń jańa úkimeti ant berdi, ony el tarıhynda alǵash ret áıel adam – Reformalar partııasynyń tóraıymy Kaıa Kallas basqardy, dep habarlaıdy QazAqparat dw.com-ǵa silteme jasap.

Parlamentte sóılegen 43 jastaǵy Kallas quramy jeti áıelden turatyn jańa kabınet «ósý úkimeti» bolady dep málimdedi. Ol koronavırýs pandemııasynan týyndaǵan ekonomıkalyq daǵdarystyń saldaryn eńserýdi birinshi kezektegi mindettiń biri dep atady.

Estonııa prezıdenti Kerstı Kalıýlaıd Kaıa Kallasqa 13 qańtarda burynǵy premer-mınıstr, Ortalyqshyl partııasynyń tóraǵasy ıÝrı Ratas sybaılas jemqorlyqqa baılanysty otstavkaǵa ketkennen keıin úkimet qurýdy usyndy. Dpa agenttiginiń habarlaýynsha, bul partııaǵa qatysty daýly memlekettik nesıe týraly tergeý júrgizilip jatyr.

Kaıa Kallas – Eýropa úshin lıberaldar men demokrattar alıansyna kiretin Eýropa parlamentiniń burynǵy depýtaty. Ol – burynǵy premer-mınıstr jáne Eýrokomıssııanyń burynǵy múshesi bolǵan Reformalar partııasyn qurýshylardyń biri Sıım Kallastyń qyzy.