Estonııa turǵyny 750 myńnan astam eýro somasynda lotereıa utyp aldy
ASTANA, 22 naýryz. QazAqparat - Estonııa tarıhyndaǵy eń iri lotereıa utysy 768,7 myń eýrony shetelge aqsha tabýǵa jınalyp jatqan januıanyń ákesi alatyn boldy, dep habarlaıdy Rosbalt.
Estonııa BAQ-tary jazǵandaı, bul soma utysqa oınatylǵan djek-pottyń tek jartysy ǵana: utystyń ekinshi bóligi Norvegııaǵa jiberiledi. Osyǵan deıin ótken jyldyń naýryzynda Viking Lotto lotereıasynda oınatylǵan utystyń rekordtyq somasy 733,8 myń evro bolǵan.
Júldeli bılet Ǵalamtor arqyly satyp alynǵan bolatyn. Lotereıa jeńimpazy utys týraly bilgenge deıin shetelge jumys isteýge jınalyp jatqan bolatyn. Endi otbasy Estonııadan shetelge tek saıahatqa ǵana shyqpaqshy. Utyp alǵan aqshaǵa jaldamaly páterde turyp jatqan otbasy ózine tıesili baspana satyp almaqshy.
