Estonııa prezıdentiniń banktik kartochkasyn alaıaqtar buzǵan
ASTANA. QazAqparat - Estonııa prezıdenti Kerstı Kalıýlaıd alaıaqtardyń qurbanyna aınaldy. Alaıaqtar onyń qyzmettik bank kartasyn buzyp, qarjysyn ıemdengen, dep habarlady beısenbi kúni Postimees basylymy.
«Estonııa prezıdentiniń keńsesi 8 qańtar kúni belgisiz alaıaqtyń Estonııa prezıdentiniń qyzmettik bank kartasyn buzyp, Ross Stores amerıkalyq dúkeninde 2,8 myń eýro kóleminde zattar satyp alǵany týraly aqparat alǵan», - dep jazylady Postimees habarlamasynda ERR estondyq telearnasynyń Pealtnagija jýrnalıstik zertteý baǵdarlamasyna silteme jasalyp.
Basylymnyń deregine súıensek, prezıdent keńsesi jaǵdaıdy ýaqytyly qolǵa alyp, karta ıesiniń Estonııada bolǵandyǵyn dáleldegen. Operatsııa joıylyp, alynǵan qarjy qaıtaryldy, dep jazady ria.ru.
