Estonııa prezıdenti tuńǵysh ret áıel adam boldy
ASTANA. QazAqparat -Estonııa prezıdenti bolyp buǵan deıin Eýropalyq esep palatasynda Estonııa ókili bolǵan Kerstı Kalıýlaıd saılandy.
Parlamentte ótken saılaýda jeńiske jetý úshin úmitker depýtattar daýysynyń úshten eki bóligin jınaýy tıis boldy -101 daýystyń 68-in. Kalıýlaıd úshin 81 halyq qalaýlysy daýys bergen jáne ol memleket basshysy laýazymyna jalǵyz kandıdat bolǵan, dep jazdy «RIA Jańalyqtar».
Qazirgi prezıdent Tomas Hendrık Ilvestiń ókilettiligi qazan aıynda aıaqtalady. Ol bul laýazymǵa eki ret saılandy jáne konstıtýtsııaǵa sáıkes, prezıdenttikke úshinshi ret úmitker bola almaıdy.
