Estonııa premer-mınıstri Aqmola oblysyndaǵy aýylda boldy
KÓKShETAÝ. QazAqparat - Astrahan aýdanynyń Petrovka aýylynda Estonııa Respýblıkasynyń premer-mınıstri ıÝrıı Ratas jáne Qazaqstandaǵy Estonııa Respýblıkasynyń Tótenshe jáne ókiletti elshisi Heıtı Mıaemees bastaǵan delegatsııa boldy, dep habarlaıdy QazAqparat tilshisi.
Sheteldik delegatsııa quramynda 30-ǵa jýyq kásipker boldy. Estonııalyq kásipkerler elimizdiń bıznes qurylymdarymen logıstıka jáne aýyl sharýashylyǵy salasynda áriptestik kelisimsharttar jasamaq.
Meımandar atalmysh aýylda turyp jatqan jergilikti eston halqy ókilderimen kezdesti. Petrovka aýyly 125 jyl buryn qurylǵan. Alǵashqy qonystanýshylar estondyqtar bolǵan. Búgingi kúni olardyń urpaqtary osynda beıbit ómir keshýde. 2018 jyldyń maýsym aıynda aýyldyń mereıtoıy atalyp ótti. Shara sheńberinde «ıÝksarı» shoqysyna eskertkish tas ornatyldy. Eston tilinen aýdarǵanda «Ózen jaǵasyndaǵy aýyl» degendi bildiredi.
Qazirgi Petrovka aýyly 1200 turǵyny bar irgeli eldi meken. Aýylda 20-dan astam ulttyń ókilderi tatý-táti turmys keshýde. Estonııa premer-mınıstri ıÝrı Ratas aýyldyń aqsaqaldary Gıldoı ıÝlıh jáne Alıdıeı Mıagımen áńgimelesip, turmystary týraly surap bildi.
