Estonııa polıtsııasy 14 jyl buryn urlanǵan velosıpedti tapty
ASTANA. QazAqparat - Polıtseıler 14 jyl buryn Tyrva (Estonııa) qalasyndaǵy úılerdiń birinen urlanǵan kelosıpedti tapty. Bul týraly BNS agenttigine silteme jasap Postimees portaly habarlady.
Urlyqtan keıin ıesi polıtsııaǵa urlanǵan velosıpedtiń ramasynyń nómirin habarlaǵan, alaıda ol tabylmaǵan.
14 jyldan keıin velosıped Latvııamen Estonııa shekarasynda ornalasqan Valga qalasynan tabyldy.
«Áıel velosıpedtiń tabylǵanyna qatty tańǵaldy. Otbasy jańasyn satyp alýdy josparlap jatqan jáne uzaq ýaqyttan beri alǵash ret joǵalǵan velosıped týraly sóz qozǵaǵan. Olar tipti jańasyn alyp qajeti joq shyǵar, burynǵy velosıped tabylyp qalar dep te ázildegen. Olardy kelesi kúni polıtsııadan túsken velosıpedtiń tabylǵany týraly jańalyq tańqaldyrǵan», -dedi polıtsııa ókili Marek Kıaıs.
Bul Estonııa polıtsııasynyń joǵalǵan velosıpedti uzaq jyldardan soń tapqan ekinshi jaǵdaı. 2017 jyldyń sáýirinde Postimees portaly 2003 jyly joǵalǵan velosıpedtiń Saaremaa aralynan tabylǵany týraly habaralǵan.
