Estonııa men Fınlıandııany 15 jyldan keıin 13 mlrd. eýro turatyn sýasty tonneli jalǵastyrady
ASTANA. QazAqparat - Estonııa men Fınlıandııa astanalaryn 2030 jyly sýasty temirjol tonneli jalǵastyrmaq, onyń quny 13 mlrd. eýroǵa baǵalanyp otyr, dep habarlady Rosbalt.
Bul týraly keshe eki el ókilderi Tallınde qol qoıylǵan kólik salasyndaǵy yntymaqtastyq týraly memorandýmda aıtylǵan.
«Tonnel salý ázirge bolashaqtyń isi, degenmen bul jobanyń eki el arasyndaǵy ekonomıkalyq yntymaqtastyqty damytýda bolashaǵy zor», - dep málimdedi shara kezinde Estonııa ekonomıka jáne ınfraqurylym mınıstri Krısten Mıhal. Odan basqa qujatqa Fınlıandııa kólik jáne kommýnıkatsııa mınıstri Anne Berner men Helsınkı vıtse-meri Pekka Saýrı qol qoıdy.
Josparǵa sáıkes jalpy uzynndyǵy 80 shaqyrymdyq tonnel 2030 jylǵa qaraı aıaqtalmaq. Bul jobaǵa ınvestıtsııalar kólemi 13 mlrd. eýroǵa baǵalanyp otyr, onyń 40 paıyzyn Eýroodaq usynýy tıis. Tonneldegi temir jol qazir salynyp jatqan «Reıl Baltık» tenmirjolymen túıisedi. «Bul tonnel biz úshin Baltyq elderi arqyly Ortalyq Eýropaǵa shyǵatyn arna bolmaq», - dedi Saýrı BNS aqparattyq agenttigine.
Helsınkı merııasynyń esepteýinshe, kún saıyn tonneldi 25 myńǵa tarta adam paıdalanbaq. Tallınnen Helsınkıge deıingi sapar jarty saǵat ýaqyt alady, bılet quny 36 eýro bolady.
