Estonııa ınternet arqyly saılaý ótkizýden rekord ornatty

ASTANA. QazAqparat - Álemge ınternet arqyly daýys berýdiń jalpyulttyq júıesin jasaǵan alǵashqy el retinde tanylǵan Estonııadaǵy parlament saılaýynda jeke kompıýter arqyly daýys bergender 25 paıyzdan asyp, rekord ornatty, dep habarlaıdy QazAqparat VVS-ge silteme jasap.

Estonııa respýblıkalyq saılaý komıssııasynyń derekterine qaraǵanda, parlament saılaýyna ınternet arqyly aldyn ala daýys bergender sany 247 myń 232 bolǵan. Al jalpy saılaýshylardyń sany 900 myń shamasynda.

Dástúrli saılaý 3 naýryz kúni ótedi.

Estonııa azamattary kez kelgen kompıýterden daýys bere alady. Ol úshin arnaıy chıp ornatylǵan kýálik nemese Mobiil-ID vırtýaldyq tsıfrlyq kýáligi jáne arnaýly baǵdarlamalyq jasaqtama bolsa jetkilikti.

Aıta keteıik, ınternet arqyly daýys berý tájirıbesin Estonııa álemde alǵash ret 2005 jyly engizgen.