Estonııa eýro aımaǵyna 2011 jylǵy qańtardyń 1-inen bastap qosylady
BRıÝSSELЬ. Shildeniń 14-i. QazAqparat /Dımash Syzdyqov/ - Seısenbi, shildeniń 13-i kúni Eýropalyq Odaq Estonııanyń eýro aınalym aımaǵyna 2011 jylǵy qańtardyń 1-inen bastap qabyldanýy týraly resmı sheshim shyǵardy, dep habarlaıdy Eýropalyq komıssııanyń baspasóz qyzmeti.
Ekonomıka jáne valıýtalyq saıasat jónindegi eýrokomıssar Ollı Ren atap ótkendeı, Estonııa 2011 jylǵy qańtardyń 1-inen bastap eýrony qabyldaýǵa daıyn, alaıda ol bıýdjet-qarjy saıasatynyń sáıkes deńgeıin qoldaý boıynsha áli de óz kúsh-jigerin jalǵastyrýy kerek. «Estonııa jitilikti saqtap jáne de makroekonomıkalyq dıspalanstardyń údeý belgileri baıqalǵan ýaqytta nemese básekege qabilettilikti joǵaltqan ýaqytta der kezinde olardy eleýi kerek», - dep atap ótti ol.
Sonymen, Estonııa aınalymyna eýro engizilgen Eýroodaqtyń 17-shi memleketi bolady. Valıýta aıyrbastaýdyń resmı kýrsy 1 eýro úshin 15,6466 estonııalyq kron deńgeıinde bekitildi.
