Estonııa 2026 jyly kóshýge eń qolaıly el dep tanyldy
ASTANA.KAZINFORM - Estonııa 2026 jyly kóshýge eń qolaıly elderdiń reıtınginde kósh bastady. Sıngapýr men Malaızııa da alǵashqy úshtikke endi, dep habarlaıdy DW.
Rumavi Global Relocation Index 2026 reıtıngi ómir súrý sapasy, qaýipsizdik, densaýlyq saqtaýǵa qoljetimdilik, ekonomıkalyq múmkindikter jáne qarjylyq perspektıvalar sııaqty 24 krıterıı boıynsha qurastyryldy.
Alǵashqy ondyqqa myna elder kirdi:
Estonııa;
Sıngapýr;
Malaızııa;
Portýgalııa;
Taıvan;
Lıtva;
Gonkong;
Sent-Kıts jáne Nevıs;
Chehııa;
Malta.
Eýropanyń iri elderi reıtıngisi aıtarlyqtaı tómen boldy: Ispanııa 21-shi, Germanııa 50-shi, Ulybrıtanııa 49-shy jáne Frantsııa 79-shy orynda. Alaıda, reıtıng bul elderde turatyn mıgranttardyń naqty sanyn kórsetpeıdi.
BUU-nyń 2024 jylǵy málimeti boıynsha, halyqaralyq mıgranttardyń eń kóbi AQSh-ta - shamamen 52,4 mıllıon. Odan keıin Germanııa (16,8 mıllıon), Saýd Arabııasy (13,7 mıllıon), Ulybrıtanııa (11,8 mıllıon), Frantsııa (9,2 mıllıon), Ispanııa (8,9 mıllıon), Kanada (8,8 mıllıon) jáne BAÁ (8,2 mıllıon) keledi.
Rumavi - shetelde kóshý, ınvestıtsııa salý jáne ómir súrýge mamandanǵan kompanııa. Onyń 2026 jylǵy Global Relocation Index 192 eldi qamtıdy.
Buǵan deıin Remitly qurastyrǵan kóshý baǵyttarynyń taǵy bir reıtıngi jarııalanǵan bolatyn. Onda Qazaqstan 82 eldiń ishinde 53-shi oryndy ıelense, Shveıtsarııa, Islandııa, Lıýksembýrg, Aýstralııa jáne Germanııa alǵashqy bestikti aıaqtady.
Qazaqstan men Estonııa agroónerkásip salasyndaǵy yntymaqtastyǵyn keńeıtetini týraly buǵan deıin habarlaǵanbyz.
