Estondyq tósekke jasyryp, bes myńnan astam monetany Reseıge alyp ótpek boldy
ASTANA. QazAqparat - Narva qalasynyń turǵyny Ivangorod kópjaqty avtomobıl ótkizý beketi arqyly Reseıge biregeı nýmızmatıkalyq kollektsııa alyp ótpek boldy, dep habarlady reseılik BAQ.
Soltústik-Batys keden basqarmasy baspasóz qyzmetiniń «Rosbaltqa» habarlaýynsha, shekaraǵa kelgen Estonııa azamaty tek júk avtomobıline ǵana qujattar tapsyrǵan. Mashınany tekserý barysynda jatyn orynnan albomdar, planshet, túrli aqsha belgileri, markalar men monetalar salynǵan jáshik tabylǵan.
Tabylǵan bes myńnan astam kollektsııa Máskeýge saraptamaǵa jiberilmek. Aldyn ala aqparat boıynsha, árbir moneta jeke-jeke baǵalanatyn bolady. Shaqalar 1876, 1831, 1919, 1933 jyldary ártúrli elde shyǵarylǵan. Budan bólek kóptegen memleketterdiń kóne aqsha belgileri, oblıgatsııalar men vekselder bar.
